ਟੋਕੀਉ: ਪੈਰਾਲੰਪਿਕ ਖੇਡਾਂ (Tokyo Paralympics Games) ਦੇ ਚਲਦਿਆਂ ਅੱਜ ਟੋਕੀਉ ਤੋਂ ਭਾਰਤ ਲਈ ਚੰਗੀ ਖ਼ਬਰ ਆਈ ਹੈ। ਦਰਅਸਲ ਅੱਜ ਸਵੇਰੇ ਹੀ ਟੋਕੀਉ ਪੈਰਾਲੰਪਿਕ ਵਿਚ ਭਾਰਤੀ ਖਿਡਾਰੀਆਂ ਨੇ 4 ਮੈਡਲ ਭਾਰਤ ਦੀ ਝੋਲੀ ਪਾਏ। ਇਸ ਦੌਰਾਨ ਭਾਰਤ ਦੀ ਅਵਨੀ ਲੇਖਾਰਾ (Avani Lekhara wins gold) ਨੇ ਮਹਿਲਾਵਾਂ ਦੀ 10 ਮੀਟਰ ਏਆਰ ਰਾਈਫਲ ਫਾਈਨਲ ਵਿਚ ਸੋਨ ਤਮਗਾ ਜਿੱਤਿਆ।
ਉਹਨਾਂ ਨੇ ਫਾਈਨਲ ਵਿਚ 249.6 ਅੰਕ ਹਾਸਲ ਕੀਤੇ, ਜੋ ਕਿ ਦਸੰਬਰ 2018 ਵਿਚ ਯੂਕਰੇਨ ਦੀ ਇਰੀਨਾ ਸ਼ੇਟਨਿਕ ਵੱਲੋਂ ਬਣਾਏ ਗਏ ਵਿਸ਼ਵ ਰਿਕਾਰਡ ਦੇ ਬਰਾਬਰ ਹਨ। ਉੱਥੇ ਹੀ ਭਾਰਤ ਦੇ ਯੋਗੇਸ਼ ਕਥੁਨੀਆ (Yogesh Kathuniya wins silver) ਨੇ F56 ਡਿਸਕਸ ਥਰੋਅ (Discus Throw) ਇਵੈਂਟ ਵਿਚ ਚਾਂਦੀ ਦਾ ਤਮਗਾ ਜਿੱਤਿਆ ਹੈ।
ਸੋਮਵਾਰ ਨੂੰ ਉਹਨਾਂ ਨੇ ਅਪਣੇ ਛੇਵੀਂ ਅਤੇ ਆਖਰੀ ਕੋਸ਼ਿਸ਼ ਵਿਚ ਅਪਣਾ ਸਰਬੋਤਰ ਥਰੋਅ ਕੀਤਾ ਅਤੇ ਮੈਡਲ ਨੂੰ ਅਪਣੇ ਨਾਂਅ ਕੀਤਾ। ਇਸ ਤੋਂ ਇਲਾਵਾ ਜੈਵਲਿਨ ਥਰੋਅ (Javelin throw) ਵਿਚ ਦਵਿੰਦਰ ਝਾਝਰੀਆ (Devendra Jhajharia won silver) ਨੇ ਵੀ ਚਾਂਦੀ ਦਾ ਤਮਗਾ ਜਿੱਤਿਆ। ਜਦਕਿ ਸੁੰਦਰ ਸਿੰਘ (Sundar Singh Gurjar bagged bronze) ਨੇ ਇਸੇ ਇਵੈਂਟ ਵਿਚ 64.01 ਦੇ ਸਰਬੋਤਮ ਥਰੋਅ ਨਾਲ ਕਾਂਸੀ ਦਾ ਤਮਗਾ ਜਿੱਤਿਆ।
ਦੱਸ ਦਈਏ ਕਿ ਜਪਾਨ ਦੇ ਟੋਕੀਉ ਵਿਚ ਜਾਰੀ ਪੈਰਾਲੰਪਿਕ ਖੇਡਾਂ ਵਿਚ ਭਾਰਤ ਦੇ ਖਿਡਾਰੀ ਇਤਿਹਾਸ ਸਿਰਜ ਰਹੇ ਹਨ। ਸੋਸ਼ਲ ਮੀਡੀਆ ਉੱਤੇ ਹਰ ਕੋਈ ਇਹਨਾਂ ਖਿਡਾਰੀਆਂ ਦੀਆਂ ਤਾਰੀਫਾਂ ਕਰ ਰਿਹਾ ਹੈ। ਦੇਸ਼ ਦੀਆਂ ਵੱਖ-ਵੱਖ ਹਸਤੀਆਂ ਇਹਨਾਂ ਖਿਡਾਰੀਆਂ ਨੂੰ ਵਧਾਈ ਦੇ ਰਹੀਆਂ ਹਨ।
