ਸ਼ਰਧਾ ਵਾਲਕਰ ਅਤੇ ਆਯੂਸ਼ੀ ਯਾਦਵ, ਸ਼ਰਧਾ 27 ਸਾਲ ਦੀ, ਆਯੂਸ਼ੀ 21 ਸਾਲ ਦੀ ਸੀ। ਇਹ ਦੋਵੇਂ ਕੁੜੀਆਂ ਅਜੇ ਆਪਣੇ ਸੁਪਨੇ ਵੇਖਣ ਹੀ ਲੱਗੀਆਂ ਸਨ ਕਿ ਦੋਵੇਂ ਮਾਰੀਆਂ ਗਈਆਂ। ਦੋਵਾਂ ਨੂੰ ਆਪਣੇ ਹੀ ਲੋਕਾਂ ਨੇ ਮਾਰਿਆ ਸੀ। ਇੱਕ ਪਿਤਾ ਦੁਆਰਾ, ਇੱਕ ਪ੍ਰੇਮੀ ਦੁਆਰਾ। ਸ਼ਰਧਾ ਨੂੰ ਉਸ ਦੇ ਪ੍ਰੇਮੀ ਨੇ ਟੁਕੜੇ-ਟੁਕੜੇ ਕਰ ਦਿੱਤਾ, ਜਿਸ ਨੂੰ ਉਸ ਨੇ ਪਿਆਰ ਦੇ ਸੁਪਨੇ ਦਿਖਾਏ ਸਨ, ਅਤੇ ਆਯੂਸ਼ੀ ਨੂੰ ਉਸ ਪਿਤਾ ਨੇ ਮਾਰ ਦਿੱਤਾ ਜਿਸ ਦੀ ਗੋਦ ਵਿਚ ਉਹ ਰੋਂਦੀ ਬੱਚੀ ਤੋਂ ਇਕ ਜਵਾਨ ਮੁਟਿਆਰ ਬਣੀ ਸੀ। ਦਿੱਲੀ ਦੀਆਂ ਇਹ ਦੋ ਕਹਾਣੀਆਂ ਦਿਲ ਦਹਿਲਾ ਦੇਣ ਵਾਲੀਆਂ, ਦਿਲ ਦੁਖਾਉਣ ਵਾਲੀਆਂ, ਰੁਲਾਉਣ ਵਾਲੀਆਂ ਅਤੇ ਸੋਚਣ ਲਈ ਮਜਬੂਰ ਕਰ ਦੇਣ ਵਾਲੀਆਂ ਹਨ।
18 ਨਵੰਬਰ ਨੂੰ ਯਮੁਨਾ ਐਕਸਪ੍ਰੈਸ ਵੇਅ ਦੇ ਸਾਈਡ ’ਤੇ ਸਰਵਿਸ ਰੋਡ ’ਤੇ ਲਾਲ ਰੰਗ ਦੀ ਵੱਡੀ ਟਰਾਲੀ ਖੜ੍ਹੀ ਦੇਖ ਕੇ ਲੋਕ ਹੈਰਾਨ ਰਹਿ ਗਏ। ਇਹ ਜਗ੍ਹਾ ਮਥੁਰਾ ਦੇ ਨੇੜੇ ਰਾਇਆ ਵਿੱਚ ਸਥਿਤ Agricultural Research Centre ਦੇ ਕੋਲ ਸੀ। ਜਦੋਂ ਲੋਕਾਂ ਨੇ ਇਸ ਵੱਡੀ ਲਾਲ ਟਰਾਲੀ ਨੇੜੇ ਪਹੁੰਚ ਕੇ ਦੇਖਿਆ ਤਾਂ ਉਹ ਹੈਰਾਨ ਰਹਿ ਗਏ। ਇਸ ਦੀ ਸੂਚਨਾ ਤੁਰੰਤ ਪੁਲਸ ਨੂੰ ਦਿੱਤੀ ਗਈ। 18 ਨਵੰਬਰ ਨੂੰ 12 ਵਜੇ ਤੱਕ ਪੁਲਿਸ ਇੱਥੇ ਪਹੁੰਚ ਚੁੱਕੀ ਸੀ। ਜਦੋਂ ਇਸ ਲਾਲ ਟਰਾਲੀ ਨੂੰ ਖੋਲ੍ਹਿਆ ਗਿਆ ਤਾਂ ਪੁਲਿਸ ਦੇ ਹੋਸ਼ ਉੱਡ ਗਏ। ਇਸ ਲਾਲ ਟਰਾਲੀ ਵਿੱਚ ਇੱਕ ਲੜਕੀ ਦੀ ਲਾਸ਼ ਰੱਖੀ ਹੋਈ ਸੀ।
ਇਸ ਲਾਲ ਰੰਗ ਦੇ ਟਰਾਲੀ ਬੈਗ ‘ਚ ਮਿਲੀ ਕੁੜੀ ਦੀ ਲਾਸ਼ ਦੇ ਮਾਮਲੇ ਦਾ ਖ਼ੁਲਾਸਾ ਕਰਦੇ ਹੋਏ ਸੋਮਵਾਰ ਨੂੰ ਦਾਅਵਾ ਕੀਤਾ ਕਿ ਮ੍ਰਿਤਕਾ ਦੇ ਪਿਤਾ ਨੇ ਹੀ ਉਸ ਦਾ ਕਤਲ ਕੀਤਾ ਸੀ। ਪੁਲਸ ਅਨੁਸਾਰ, ਦੋਸ਼ੀ ਪਿਤਾ ਨੂੰ ਹਿਰਾਸਤ ‘ਚ ਲੈ ਲਿਆ ਗਿਆ ਹੈ ਅਤੇ ਪੁੱਛ-ਗਿੱਛ ‘ਚ ਉਸ ਨੇ ਆਪਣ ਗੁਨਾਹ ਕਬੂਲ ਕਰ ਲਿਆ ਹੈ। ਇਕ ਅਧਿਕਾਰੀ ਨੇ ਦੱਸਿਆ ਕਿ ਰਾਇਆ ਕਟ ਕੋਲ ਲਾਲ ਰੰਗ ਦੇ ਟਰਾਲੀ ਬੈਗ ‘ਚ ਮਿਲੀ ਕੁੜੀ ਦੀ ਲਾਸ਼ ਦੀ ਪਛਾਣ ਕਰ ਲਈ ਗਈ ਹੈ ਅਤੇ ਇਹ ਲਾਸ਼ ਆਯੂਸ਼ੀ ਯਾਦਵ (21) ਦੀ ਹੈ, ਜੋ ਦਿੱਲੀ ਦੇ ਬਦਰਪੁਰ ਥਾਣਾ ਖੇਤਰ ਦੇ ਮੋੜਬੰਦ ਪਿੰਡ ਦੀ ਰਹਿਣ ਵਾਲੀ ਸੀ। ਅਧਿਕਾਰੀ ਅਨੁਸਾਰ, ਆਯੂਸ਼ੀ ਦਾ ਕਤਲ ਉਸ ਦੇ ਪਿਤਾ ਨੀਤੇਸ਼ ਯਾਦਵ ਨੇ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਪੁੱਛ-ਗਿੱਛ ‘ਚ ਮ੍ਰਿਤਕਾ ਦੇ ਭਰਾ ਅਤੇ ਮਾਂ ਨੇ ਖੁਲਾਸਾ ਕੀਤਾ ਹੈ ਕਿ ਨੀਤੇਸ਼ ਨੇ ਹੀ ਆਯੂਸ਼ੀ ਨੂੰ ਮਾਰਿਆ ਹੈ। ਇਸ ਤੋਂ ਇਲਾਵਾ ਕਾਤਲ ਪਿਤਾ ਨੇ ਵੀ ਆਪਣਾ ਗੁਨਾਹ ਕਬੂਲ ਕਰ ਲਿਆ ਹੈ। ਪੁਲਸ ਸੁਪਰਡੈਂਟ ਮਾਰਤੰਦ ਪ੍ਰਕਾਸ਼ ਸਿੰਘ ਅਨੁਸਾਰ, ਕੁੜੀ ਦੀ ਪਛਾਣ ਲਈ ਪੁਲਸ ਨੇ 20 ਹਜ਼ਾਰ ਤੋਂ ਵੱਧ ਫੋਨ ਟਰੇਸ ਕੀਤੇ ਅਤੇ 200 ਤੋਂ ਜ਼ਿਆਦਾ ਸੀ.ਸੀ.ਟੀ.ਵੀ. ਕੈਮਰਿਆਂ ਦੀ ਰਿਕਾਰਡਿੰਗ ਕੀਤੀ। ਇਸ ਦੇ ਨਾਲ ਹੀ ਸੋਸ਼ਲ ਮੀਡੀਆ ਅਤੇ ਦਿੱਲੀ ‘ਚ ਜਗ੍ਹਾ-ਜਗ੍ਹਾ ਪੋਸਟਰ ਲਗਾ ਕੇ ਕੁੜੀ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ।
ਸਿੰਘ ਨੇ ਦੱਸਿਆ ਕਿ ਐਤਵਾਰ ਸਵੇਰੇ ਪੁਲਸ ਦੇ ਨੰਬਰ ‘ਤੇ ਆਏ ਇਕ ਫੋਨ ਤੋਂ ਕੁੜੀ ਬਾਰੇ ਸਹੀ ਜਾਣਕਾਰੀ ਪ੍ਰਾਪਤ ਹੋਈ। ਕੁੜੀ ਦੀਆਂ ਤਸਵੀਰਾਂ ਅਤੇ ਉਸ ਕੋਲੋਂ ਮਿਲੇ ਸਾਮਾਨ ਤੋਂ ਉਸ ਦੀ ਮਾਂ ਅਤੇ ਭਰਾ ਨੇ ਪਛਾਣ ਦੀ ਪੁਸ਼ਟੀ ਕੀਤੀ। ਸਿੰਘ ਅਨੁਸਾਰ, ਜਦੋਂ ਪੁਲਸ ਨੇ ਉਨ੍ਹਾਂ ਨੂੰ ਲੈ ਕੇ ਮਥੁਰਾ ਪਹੁੰਚੀ ਤਾਂ ਮਾਂ ਅਤੇ ਭਰਾ ਨੇ ਮੁਰਦਾਘਰ ‘ਚ ਆਯੂਸ਼ੀ ਦੀ ਲਾਸ਼ ਦੇਖ ਕੇ ਪਛਾਣ ਕਰ ਲਈ। ਇਸ ਵਿਚ ਪੁਲਸ ਵਲੋਂ ਕੀਤੀ ਗਈ ਪੁੱਛ-ਗਿੱਛ ‘ਚ ਪਿਤਾ ਨੀਤੇਸ਼ ਯਾਦਵ ਨੇ ਵੀ ਆਪਣਾ ਗੁਨਾਹ ਕਬੂਲ ਕਰ ਲਿਆ। ਸਿੰਘ ਅਨੁਸਾਰ, ਪੁੱਛ-ਗਿੱਛ ‘ਚ ਆਯੂਸ਼ੀ ਦੇ ਪਰਿਵਾਰ ਤੋਂ ਜਾਣਕਾਰੀ ਮਿਲੀ ਕਿ ਨੀਤੇਸ਼ ਨੇ ਉਸ ਦਾ ਘਰ ‘ਚ ਗੋਲੀ ਮਾਰ ਕੇ ਕਤਲ ਕੀਤਾ ਸੀ। ਉਨ੍ਹਾਂ ਦੱਸਿਆ ਕਿ ਨੀਤੇਸ਼ ਗੋਰਖਪੁਰ ਦੇ ਸੁਨਾਰੜੀ ਪਿੰਡ ਦਾ ਰਹਿਣ ਵਾਲਾ ਹੈ ਅਤੇ ਉਹ ਕੰਮ ਦੀ ਤਲਾਸ਼ ‘ਚ ਦਿੱਲੀ ਆ ਗਏ ਸਨ। ਜਿਸ ਤੋਂ ਬਾਅਦ ਨੀਤੇਸ਼ ਇੱਥੇ ਹੀ ਵਸ ਗਏ ਅਤੇ ਵਪਾਰ ਕਰਨ ਲੱਗੇ। ਉਸ ਦੀ ਧੀ ਆਯੂਸ਼ੀ ਬੀ.ਸੀ.ਏ. ਦੀ ਵਿਦਿਆਰਥਣ ਸੀ। ਪੁਲਸ ਅਨੁਸਾਰ ਆਯੂਸ਼ੀ ਇਕ-2 ਦਿਨ ਪਹਿਲਾਂ ਪਰਿਵਾਰ ਨੂੰ ਬਿਨਾਂ ਦੱਸੇ ਕਿਤੇ ਚੱਲੀ ਗਈ ਸੀ ਅਤੇ ਜਦੋਂ ਉਹ 17 ਨਵੰਬਰ ਨੂੰ ਘਰ ਪਰਤੀ ਤਾਂ ਇਸ ਹਰਕਤ ਤੋਂ ਨਾਰਾਜ਼ ਪਿਤਾ ਨੇ ਆਪਣੀ ਪਿਸਤੌਲ ਨਾਲ ਗੋਲੀ ਮਾਰ ਕੇ ਉਸ ਦਾ ਕਤਲ ਕਰ ਦਿੱਤਾ ਅਤੇ ਉਸੇ ਰਾਤ ਲਾਸ਼ ਟਰਾਲੀ ਬੈਗ ‘ਚ ਰੱਖ ਕੇ ਯਮੁਨਾ ਐਕਸਪ੍ਰੈੱਸ ਵੇਅ ‘ਤੇ ਸੁੱਟ ਗਿਆ। ਦੱਸਣਯੋਗ ਹੈ ਕਿ ਸ਼ੁੱਕਰਵਾਰ ਨੂੰ ਯਮੁਨਾ ਐਕਸਪ੍ਰੈੱਸ ਵੇਅ ‘ਤੇ ਸਰਵਿਸ ਰੋਡ ਕੋਲ ਝਾੜੀਆਂ ‘ਚ ਇਕ ਟਰਾਲੀ ਬੈਗ ਪਿਆ ਮਿਲਿਆ ਸੀ, ਜਿਸ ‘ਚ ਇਕ ਕੁੜੀ ਦੀ ਲਾਸ਼ ਸੀ। ਉਸ ਬਾਰੇ ਜਾਣਕਾਰੀ ਮਿਲੀ, ਜੋ ਪੜਤਾਲ ‘ਚ ਸਹੀ ਨਿਕਲੀ। ਪੁਲਸ ਨੇ ਦੱਸਿਆ ਕਿ ਮੁਲਜ਼ਮ ਪਿਤਾ ਹਿਰਾਸਤ ‘ਚ ਹੈ ਅਤੇ ਉਸ ਤੋਂ ਪਪੂਰੇ ਮਾਮਲੇ ਨਾਲ ਸੰਬੰਧਤ ਜਾਣਕਾਰੀ ਜੁਟਾਈ ਜਾ ਰਹੀ ਹੈ। ਕਤਲ ‘ਚ ਇਸਤੇਮਾਲ ਪਿਸਤੌਲ ਪਹਿਲਾਂ ਹੀ ਬਰਾਮਦ ਕੀਤੀ ਜਾ ਚੁੱਕੀ ਹੈ। ਪੁਲਸ ਨੇ ‘ਆਨਰ ਕਿਲਿੰਗ’ ਦਾ ਮਾਮਲਾ ਹੋਣ ਦਾ ਖ਼ਦਸ਼ਾ ਜਤਾਇਆ ਹੈ।
