ਕਣਕ ਦੀ ਵਾਢੀ ਦਾ ਕੰਮ ਜ਼ੋਰਾਂ ’ਤੇ ਹੋਣ ਦੇ ਬਾਵਜੂਦ ਵੀ ਕਿਸਾਨਾਂ ਵੱਲੋਂ ਭਾਰਤ ਮਾਲਾ ਸੜਕ ਨੂੰ ਲੈ ਕੇ ਧਰਨਾ ਜਾਰੀ ਹੈ ਅਤੇ ਭਾਰਤ ਮਾਲਾ ਸੜਕ ਦਾ ਕੰਮ ਬੰਦ ਕੀਤਾ ਹੋਇਆ ਹੈ। ਰੋਡ ਸੰਘਰਸ਼ ਕਮੇਟੀ ਦੇ ਪ੍ਰਧਾਨ ਜੱਗਾ ਸਿੰਘ ਸ਼ਹਿਣਾ ਨੇ ਦੱਸਿਆ ਕਿ ਪਿਛਲੇ 15 ਦਿਨਾਂ ਤੋਂ ਲਗਾਤਾਰ ਕਿਸਾਨਾਂ ਵੱਲੋਂ ਧਰਨਾ ਜਾਰੀ ਹੈ ਹਾਲਾਂਕਿ ਖੇਤਾਂ ਵਿੱਚ ਕਣਕ ਸੰਭਾਲਣ ਦਾ ਕੰਮ ਬੇਹੱਦ ਜ਼ੋਰਾਂ ’ਤੇ ਹੈ ਉਹਨਾਂ ਦੱਸਿਆ ਕਿ ਇਹ ਧਰਨਾ 12 ਪਿੰਡਾਂ ਵਿੱਚ ਲਗਾਤਾਰ ਚੱਲ ਰਿਹਾ ਹੈ। ਕਣਕ ਦੀ ਵਾਢੀ ਨੂੰ ਦੇਖਦੇ ਹੋਏ 12 ਤੋਂ 15 ਕਿਸਾਨਾਂ ਦੀ ਰੋਜਾਨਾ ਧਰਨੇ ਵਿੱਚ ਡਿਊਟੀ ਲਾਈ ਜਾਂਦੀ ਹੈ।
ਉਹਨਾਂ ਦੱਸਿਆ ਕਿ ਭਾਰਤ ਮਾਲਾ ਰੋਡ ਦੇ ਅਧਿਕਾਰੀਆਂ ਨੇ ਕਿਸਾਨਾਂ ਨੂੰ ਮੁਆਵਜ਼ਾ ਦੇਣ ਵਿੱਚ ਪੱਖਪਾਤ ਕੀਤਾ ਹੈ। ਜ਼ਿਲ੍ਹ ਬਰਨਾਲਾ ਦੇ ਪਿੰਡਾਂ ਦੇ ਕਿਸਾਨ ਜਿੰਨਾ ਦੀ ਜ਼ਮੀਨ ਭਾਰਤ ਮਾਲਾ ਰੋਡ ਵਿੱਚ ਆਉਂਦੀ ਹੈ ਉਨ੍ਹਾਂ ਨੂੰ 58 ਲੱਖ ਰੁਪਏ ਪ੍ਰਤੀ ਏਕੜ ਦੇ ਹਿਸਾਬ ਨਾਲ ਮੁਆਵਜ਼ਾ ਮਿਲਿਆ ਹੈ ਜਦਕਿ ਲੁਧਿਆਣਾ ਜ਼ਿਲ੍ਹਾ ਵਿੱਚ ਇਹੀ ਮੁਆਵਜ਼ਾ 80 ਲੱਖ ਦੇ ਕਰੀਬ ਮਿਲਿਆ ਹੈ। ਜਦ ਜ਼ਮੀਨ ਇੱਕ ਹੈ ਰਸਤਾ ਇੱਕ ਹੈ ਤਾਂ ਮੁਆਵਜ਼ ਵੱਖਰਾ ਵੱਖਰਾ ਕਿਵੇਂ ਮਿਲ ਰਿਹਾ ਹੈ।
ਉਹਨਾਂ ਇਹ ਵੀ ਕਿਹਾ ਕਿ ਜਦੋਂ ਤੱਕ ਪ੍ਰਸ਼ਾਸਨ ਜਾਂ ਭਾਰਤ ਮਾਲਾ ਰੋਡ ਦੇ ਅਧਿਕਾਰੀ ਸਾਡੇ ਮੁਆਵਜ਼ੇ ਦਾ ਮਸਲਾ ਹੱਲ ਨਹੀਂ ਕਰਦੇ ਧਰਨਾ ਜਾਰੀ ਰਹੇਗਾ। ਅੱਜ ਦੀ ਡੀਐਸਪੀ ਬਲਜੀਤ ਸਿੰਘ ਨੇ ਵੀ ਕਿਸਾਨਾਂ ਨਾਲ ਮੀਟਿੰਗ ਕੀਤੀ। ਇਥੇ ਕਿਸਾਨਾਂ ਦੀਆਂ ਸਮੱਸਿਆਵਾਂ ਸੁਣ ਕੇ ਉਚ ਅਧਿਕਾਰੀਆਂ ਤੱਕ ਪਹੁੰਚਾਉਣ ਦਾ ਭਰੋਸਾ ਦਵਾਇਆ ਗਿਆ। ਇਸ ਮੌਕੇ ਥਾਣਾ ਸ਼ਹਿਣਾ ਦੀ ਐਸ ਐਚ ਓ ਰੇਨੂ ਪਰੋਚਾ ਵੀ ਹਾਜ਼ਰ ਸਨ।
