ਨੈਸ਼ਨਲ ਟੈਸਟਿੰਗ ਏਜੰਸੀ ਨੇ ਵੱਡਾ ਫੈਸਲਾ ਲਿਆ ਹੈ। ਇਸ ਤਹਿਤ ਅੱਜ ਯਾਨੀ 5 ਦਸੰਬਰ ਨੂੰ ਹੋਣ ਵਾਲੀ ਯੂਜੀਸੀ ਨੈੱਟ ਪ੍ਰੀਖਿਆ ਮੁਲਤਵੀ ਕਰ ਦਿੱਤੀ ਗਈ ਹੈ। ਐਨਟੀਏ ਨੇ ਇਹ ਫੈਸਲਾ ਉੜੀਸਾ ਤੇ ਆਂਧਰਾ ਪ੍ਰਦੇਸ਼ ਵਿਚ ਆਉਣ ਵਾਲੇ ਚੱਕਰਵਾਤ ‘ਜਵਾਦ’ ਕਾਰਨ ਲਿਆ ਹੈ। ਏਜੰਸੀ ਨੇ ਇਨ੍ਹਾਂ ਦੋਵਾਂ ਸੂਬਿਆਂ ਵਿਚ ਪ੍ਰੀਖਿਆ ਨੂੰ ਸੋਧਣ ਦਾ ਫੈਸਲਾ ਕੀਤਾ ਹੈ। ਇਸ ਦੇ ਨਾਲ ਹੀ NTA ਨੇ ਅਧਿਕਾਰਤ ਪੋਰਟਲ ‘ਤੇ ਇਸ ਸਬੰਧ ਵਿਚ ਇਕ ਅਧਿਕਾਰਤ ਨੋਟਿਸ ਵੀ ਅਪਲੋਡ ਕੀਤਾ ਹੈ।
ਜਾਣਕਾਰੀ ਅਨੁਸਾਰ ਯੂਨੀਵਰਸਿਟੀ ਗ੍ਰਾਂਟਸ ਕਮਿਸ਼ਨ ਦੀ ਰਾਸ਼ਟਰੀ ਯੋਗਤਾ ਪ੍ਰੀਖਿਆ, ਉੜੀਸਾ ਤੇ ਆਂਧਰਾ ਪ੍ਰਦੇਸ਼ ਵਿਚ 5 ਦਸੰਬਰ, 2021 ਨੂੰ ਹੋਣ ਵਾਲੀ ਯੂਜੀਸੀ ਨੈੱਟ 2021 ਦੀ ਪ੍ਰੀਖਿਆ ਚੱਕਰਵਾਤੀ ਤੂਫਾਨ ਜਵਾਦ ਦੇ ਕਾਰਨ ਦੁਬਾਰਾ ਨਿਰਧਾਰਤ ਕੀਤੀ ਗਈ ਹੈ। ਦੋਵਾਂ ਸੂਬਿਆਂ ਨੂੰ 4 ਦਸੰਬਰ, 2021 ਨੂੰ ਰੈੱਡ ਅਲਰਟ ਜਾਰੀ ਕੀਤਾ ਗਿਆ ਸੀ। ਅਜਿਹੀ ਸਥਿਤੀ ਵਿਚ ਨੈਸ਼ਨਲ ਟੈਸਟਿੰਗ ਏਜੰਸੀ, ਐਨਟੀਏ ਨਿਰਧਾਰਤ ਸਮੇਂ ਵਿਚ ਸਰਕਾਰੀ ਵੈਬਸਾਈਟ ugcnet.nta.nic.in ‘ਤੇ ਪ੍ਰੀਖਿਆ ਦੀ ਸੰਸ਼ੋਧਿਤ ਡੇਟ ਸ਼ੀਟ ਨੂੰ ਅਪਲੋਡ ਕਰੇਗੀ। ਉਮੀਦਵਾਰਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਅਧਿਕਾਰਤ ਵੈੱਬਸਾਈਟ ‘ਤੇ ਨਵੀਨਤਮ ਅਪਡੇਟਸ ਦੀ ਜਾਂਚ ਕਰਦੇ ਰਹਿਣ।
