ਦਿੱਲੀ ਗੁਰਦੁਆਰਾ ਕਮੇਟੀ ਚੋਣਾਂ : ਸ਼ੁਰੂਆਤ ਰੁਝਾਨਾਂ ਵਿਚ ਅਕਾਲੀ ਦਲ ਅੱਗੇ

ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਚੋਣਾਂ ਲਈ ਅੱਜ ਸ਼ੁਰੂ ਵੋਟਾਂ ਦੀ ਗਿਣਤੀ ਦੇ ਸ਼ੁਰੂਆਤੀ ਰੁਝਾਨਾਂ ਵਿਚ ਅਕਾਲੀ ਦਲ ਤਕਰੀਬਨ 10 ਸੀਟਾਂ ’ਤੇ ਅੱਗੇ ਚਲ ਰਿਹਾ ਹੈ ਜਦਕਿ 1-1 ਸੀਟ ’ਤੇ ਸਰਨਾ ਦਲ ਤੇ ਜਾਗੋ ਪਾਰਟੀ ਅੱਗੇ ਚਲ ਰਹੀ ਹੈ।
ਮਿਲੀ ਜਾਣਕਾਰੀ ਮੁਤਾਬਕ ਵਾਰਡ ਨੰਬਰ 1 ਰੋਹਿਣੀ ਤੋਂ ਅਕਾਲੀ ਦਲ ਦੇ ਉਮੀਦਵਾਰ ਸਰਵਜੀਤ ਸਿੰਘ ਵਿਰਕ 386ਵੋਟਾਂ ਤੋਂ ਅੱਗੇ ਚਲ ਰਹੇ ਹਨ। ਇਸੇ ਤਰੀਕੇ ਵਾਰਡ ਨੰਬਰ 3, 8, 14, 42, 43, 44 ਅਤੇ 45 ਵਿਚ ਅਕਾਲੀ ਦਲ ਅੱਗੇ ਚਲ ਰਿਹਾ ਹੈ ਜਦਕਿ ਵਾਰਡ ਨੰਬਰ 46 ਵਿਚ ਜਾਗੋ ਪਾਰਟੀ ਦੇ ਉਮੀਦਵਾਰ ਮੰਗਲ ਸਿੰਘ 115 ਵੋਟਾਂ ਤੋਂ ਅੱਗੇ ਹਨ। ਇਸੇ ਤਰੀਕੇ ਹਰੀ ਨਗਰ ਸੀਟ ਤੋਂ ਸਰਨਾ ਦਲ ਦੇ ਤਜਿੰਦਰ ਗੋਪਾ ਅੱਗੇ ਚਲ ਰਹੇ ਹਨ।