ਪੰਜਾਬ ਦੇ ਜਸਕਰਨ ਸਿੰਘ ਅਮਿਤਾਭ ਬੱਚਨ ਦੇ ਮਸ਼ਹੂਰ ਸ਼ੋਅ ‘ਕੌਣ ਬਣੇਗਾ ਕਰੋੜਪਤੀ’ ਦੇ 15ਵੇਂ ਸੀਜ਼ਨ ‘ਚ 7 ਕਰੋੜ ਰੁਪਏ ਦੇ ਸਵਾਲ ਤੋਂ ਖੁੰਝ ਗਏ। ਉਹ ਸਵਾਲ ਦਾ ਜਵਾਬ ਨਹੀਂ ਦੇ ਸਕਿਆ ਅਤੇ ਇੱਕ ਕਰੋੜ ਜਿੱਤ ਕੇ ਵਾਪਸ ਪਰਤ ਗਿਆ। ਜਸਕਰਨ ਸਿੰਘ ਤਰਨਤਾਰਨ ਦੇ ਪਿੰਡ ਖਾਲੜਾ ਦਾ ਰਹਿਣ ਵਾਲਾ ਹੈ।
ਬੇਸ਼ੱਕ 21 ਸਾਲਾ ਜਸਕਰਨ 7 ਕਰੋੜ ਰੁਪਏ ਜਿੱਤਣ ਦਾ ਖਿਤਾਬ ਨਹੀਂ ਜਿੱਤ ਸਕਿਆ, ਪਰ ਉਹ ਕੌਂਣ ਬਣੇਗਾ ਕਰੋੜਪਤੀ ਸੀਜ਼ਨ 15 ਦਾ ਪਹਿਲਾ ਪ੍ਰਤੀਭਾਗੀ ਹੈ ਜੋ 1 ਕਰੋੜ ਰੁਪਏ ਦੀ ਵੱਡੀ ਰਕਮ ਜਿੱਤਣ ‘ਚ ਕਾਮਯਾਬ ਹੋਇਆ ਹੈ।
ਜਸਕਰਨ ਨੂੰ 7 ਕਰੋੜ ਲਈ ਸਵਾਲ ਪੁੱਛਿਆ ਗਿਆ ਸੀ ਕਿ ਪਦਮ ਪੁਰਾਣ ਅਨੁਸਾਰ ਕਿਸ ਰਾਜੇ ਨੂੰ ਹਿਰਨ ਦੇ ਸਰਾਪ ਕਾਰਨ 100 ਸਾਲ ਬਾਘ ਦੇ ਰੂਪ ਵਿਚ ਰਹਿਣਾ ਪਿਆ? ਇਸ ਦੇ ਲਈ ਜਸਕਰਨ ਨੂੰ 4 ਵਿਕਲਪ ਦਿੱਤੇ ਗਏ ਸਨ ਜਿਵੇਂ ਕਿ ਕਸ਼ੇਮਾਧੁਰਤੀ, ਧਰਮਦੱਤ, ਮੀਤਾਧਵਾਜ, ਪ੍ਰਭੰਜਨਾ।
ਜਸਕਰਨ ਨੇ ਸਵਾਲ ਦੇ ਜਵਾਬ ਨੂੰ ਲੈ ਕੇ ਕਾਫੀ ਸੋਚਿਆ ਪਰ ਜਦੋਂ ਉਨ੍ਹਾਂ ਨੂੰ ਲੱਗਾ ਕਿ ਉਹ ਸਹੀ ਜਵਾਬ ਨਹੀਂ ਦੇ ਸਕਣਗੇ ਤਾਂ ਉਨ੍ਹਾਂ ਨੇ ਹਾਟ ਸੀਟ ਦੇ ਸਾਹਮਣੇ ਬੈਠੇ ਬਿੱਗ ਬੀ ਨੂੰ ਕਿਹਾ ਕਿ ਉਹ ਗੇਮ ਛੱਡਣਾ ਚਾਹੁੰਦੇ ਹਨ।
ਅਮਿਤਾਭ ਬੱਚਨ ਨੇ ਉਸ ਨੂੰ ਖੇਡ ਦੇ ਨਿਯਮਾਂ ਅਨੁਸਾਰ ਛੱਡਣ ਦੀ ਇਜਾਜ਼ਤ ਦੇ ਦਿੱਤੀ।
