40 ਦਿਨਾਂ ਦੀ ਪੈਰੋਲ ‘ਤੇ ਬਾਹਰ ਆਉਂਦੀਆਂ ਹੀ ਡੇਰਾ ਮੁੱਖੀ ਰਾਮ ਰਹੀਮ ਫਿਰ ਤੋਂ ਸੁਰਖੀਆਂ ‘ਚ ਛਾਇਆ ਹੋਇਆ ਹੈ। ਉਸ ਨੂੰ ਬਾਹਰ ਆ ਅਜੇ 6 ਦਿਨ ਹੋਏ ਹਨ ਅਤੇ ਉਸ ਨੇ ਹੁਣ ਤੱਕ ਆਪਣੇ ਫੋਲੋਅਰਸ ਲਈ 3 ਵੀਡੀਓ ਵੀ ਸ਼ੇਅਰ ਕਰ ਦਿੱਤੀਆਂ ਹਨ।
ਹੁਣ ਇੱਕ ਵਾਰ ਫਿਰ ਤੋਂ ਰਾਮ ਰਹੀਮ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ। ਜਿਸ ‘ਚ ਉਸ ਦੇ ਨਾਲ ਉਸ ਦੀ ਮੁੱਖ ਚੇਲੀ ਹਨੀਪ੍ਰੀਤ ਵੀ ਨਜ਼ਰ ਆ ਰਹੀ ਹੈ। ਦੱਸ ਦਈਏ ਕਿ ਇਸ ਵੀਡੀਓ ‘ਚ ਦੋਵੇਂ ਸਹੁੰ ਚੁੱਕਦੇ ਨਜ਼ਰ ਆ ਰਹੇ ਹਨ। ਗਣਤੰਤਰ ਦਿਵਸ ਮੌਕੇ ਵੀਡੀਓ ਸ਼ੇਅਰ ਕਰ ਦੋਵਾਂ ਨੇ ਦੇਸ਼ ਨੂੰ ਨਸ਼ਾ ਮੁਕਤ ਬਣਾਉਣ ਦੀ ਸਹੁੰ ਖਾਧੀ। ਰਾਮ ਰਹੀਮ ਨੇ ਸਹੁੰ ਖਾਂਦੇ ਹੋਏ ਕਿਹਾ ਕਿ ਭਾਰਤ ਦੇਸ਼ ਨੂੰ ਨਸ਼ਾ ਮੁਕਤ ਜ਼ਰੂਰ ਕਰਾਂਗੇ। ਰਾਮ ਰਹੀਮ ਨੇ ਆਪਣੇ ਪ੍ਰੇਮੀਆਂ ਨੂੰ ਵੀ ਇਸ ਮੁਹਿੰਮ ਨਾਲ ਜੁੜਨ ਦਾ ਸੱਦਾ ਦਿੱਤਾ ਹੈ। ਤਾਂ ਜੋ ਕੋਈ ਇਸ ਦੇਸ਼ ਨੂੰ ਗੰਦਾ ਨਾ ਕਹਿ ਸਕੇ।
ਰਾਮ ਰਹੀਮ ਹੁਣ ਵਰਮੀ ਕੰਪੋਸਟ ਮਾਹਿਰ ਬਣ ਗਿਆ ਹੈ। ਰਾਮ ਰਹੀਮ ਨੇ ਇੱਕ ਨਵਾਂ ਵੀਡੀਓ ਜਾਰੀ ਕਰਕੇ ਪ੍ਰੇਮੀਆਂ ਨੂੰ ਦੱਸਿਆ ਕਿ ਕੀੜਿਆਂ ਦੀ ਖਾਦ ਬਣਾਉਣ ਦਾ ਤਰੀਕਾ। ਰਾਮ ਰਹੀਮ ਨੇ ਗਾਂ ਦੇ ਗੋਹੇ ‘ਚ ਕੀੜਾ ਪਾ ਕੇ ਪਾਣੀ ਦਿੱਤਾ। ਇਸ ਦੌਰਾਨ ਰਾਮ ਰਹੀਮ ਨੇ ਕਿਹਾ ਕਿ ਇਹ ਖਾਦ ਹੈਰਾਨੀਜਨਕ ਪ੍ਰਭਾਵ ਦਿਖਾਉਂਦੀ ਹੈ। ਅਸੀਂ ਉਸ ਦਿਨ ਦਿਖਾਈ ਗਈ ਬੋਤਲ ਵਿੱਚ ਵਰਮੀ ਕੰਪੋਸਟ ਪਾਈ ਸੀ।
ਡੇਰਾ ਸੱਚਾ ਸੌਦਾ ਮੁਖੀ ਰਾਮ ਰਹੀਮ ਨੇ ਤਿਰੰਗੇ ਦੇ ਨਮੂਨੇ ਵਾਲੀ ਬੋਤਲ ‘ਤੇ ਤਲਵਾਰ ਨਾਲ ਕੇਕ ਕੱਟਣ ਤੋਂ ਬਾਅਦ ਵਿਵਾਦਾਂ ‘ਚ ਘਿਰ ਗਿਆ। 25 ਜਨਵਰੀ ਨੂੰ ਰਾਮ ਰਹੀਮ ਨੇ ਇੱਕ ਵੀਡੀਓ ਸ਼ੇਅਰ ਕੀਤੀ ਸੀ ਜਿਸ ਵਿੱਚ ਉਹ ਤਿਰੰਗੇ ਦੇ ਪੈਟਰਨ ਵਾਲੇ ਬੋਲਟ ਦੀ ਵਰਤੋਂ ਕਰ ਰਿਹਾ ਹੈ। ਰਾਮ ਰਹੀਮ ਨੇ ਜੈਵਿਕ ਸਬਜ਼ੀਆਂ ਤਿਆਰ ਕਰਨ ਦਾ ਡੈਮੋ ਦੇਣ ਤੋਂ ਬਾਅਦ ਬੋਤਲ ਹੇਠਾਂ ਸੁੱਟ ਦਿੱਤੀ।
ਹੁਣ ਡੇਰਾ ਮੁਖੀ ਨੇ ਇਸ ਵਿਵਾਦ ‘ਤੇ ਸਪੱਸ਼ਟੀਕਰਨ ਦਿੰਦਿਆਂ ਕਿਹਾ ਕਿ ਅਸੀਂ ਰੰਗੀਨ ਬੋਤਲਾਂ ਦਿਖਾਈਆਂ ਸੀ। ਕਿਸੇ ਵੀ ਬੋਤਲ ਵਿੱਚ ਤਿਰੰਗਾ ਨਹੀਂ ਸੀ।
