ਅਰੁਣਾਚਲ ਪ੍ਰਦੇਸ਼ ‘ਚ ਬਰਫੀਲੇ ਤੂਫਾਨ ਤੋਂ ਬਾਅਦ ਭਾਰਤੀ ਫੌਜ ਦੀ ਇਕ ਗਸ਼ਤ ਪਾਰਟੀ ਦੇ ਲਾਪਤਾ ਦੱਸੀ ਜਾ ਰਹੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਯੂਨਿਟ 6 ਫਰਵਰੀ ਤੋਂ ਲਾਪਤਾ ਹੈ, ਜਿਸ ਵਿੱਚ ਸ਼ਾਮਲ 7 ਜਵਾਨਾਂ ਬਾਰੇ ਫਿਲਹਾਲ ਕੋਈ ਜਾਣਕਾਰੀ ਨਹੀਂ ਮਿਲੀ ਹੈ।
ਦੱਸ ਦਈਏ ਕਿ ਜਦੋਂ ਇਸ ਟੀਮ ਨਾਲ ਸੰਪਰਕ ਨਹੀਂ ਹੋ ਸਕਿਆ ਤਾਂ ਤੁਰੰਤ ਕਾਰਵਾਈ ਲਈ ਮਾਹਿਰਾਂ ਦੀ ਟੀਮ ਨੂੰ ਮੌਕੇ ‘ਤੇ ਤਾਇਨਾਤ ਕਰ ਦਿੱਤਾ ਗਿਆ। ਉਸ ਟੀਮ ਵਿੱਚ ਸ਼ਾਮਲ ਮਾਹਿਰ ਉਸ ਲਾਪਤਾ ਟੀਮ ਦੀ ਭਾਲ ਕਰ ਰਹੇ ਹਨ।
ਇਕ ਅਧਿਕਾਰੀ ਨੇ ਦੱਸਿਆ ਕਿ ਤਵਾਂਗ ਅਤੇ ਬੋਮਡਿਲਾ ਵਰਗੇ ਉੱਚਾਈ ਵਾਲੇ ਖੇਤਰਾਂ ‘ਚ ਹਰ ਸਾਲ ਬਰਫਬਾਰੀ ਹੁੰਦੀ ਹੈ। ਇਸ ਵਾਰ ਦਾਰੀਆ ਹਿੱਲ ‘ਚ 34 ਸਾਲ ਬਾਅਦ ਬਰਫਬਾਰੀ ਹੋਈ ਹੈ ਕਿਉਂਕਿ ਆਖਰੀ ਵਾਰ ਇੱਥੇ 1988 ‘ਚ ਬਰਫਬਾਰੀ ਹੋਈ ਸੀ। ਐਤਵਾਰ ਨੂੰ ਆਏ ਤੂਫਾਨ ਤੋਂ ਬਾਅਦ ਇਨ੍ਹਾਂ ਸੈਨਿਕਾਂ ਦੀ ਭਾਲ ਜਾਰੀ ਹੈ।
