ਜਨਵਰੀ ਪੰਜਾਬ ਵਿਧਾਨ ਸਭਾ ਦੀਆਂ 2017 ‘ਚ ਹੋਈਆਂ ਚੋਣਾਂ ਦੌਰਾਨ 117 ਵਿਧਾਨ ਸਭਾ ਹਲਕਿਆਂ ਤੋਂ 1145 ਉਮੀਦਵਾਰਾਂ ਨੇ ਚੋਣ ਲੜੀ ਸੀ, 1805 ਉਮੀਦਵਾਰਾਂ ਨੇ ਆਪਣੇ ਨਾਮਜ਼ਦਗੀ ਕਾਗਜ਼ ਦਾਖ਼ਲ ਕਰਵਾਏ ਸਨ, ਜਿਨ੍ਹਾਂ ‘ਚੋਂ 545 ਦੇ ਨਾਮਜ਼ਦਗੀ ਕਾਗਜ਼ ਰੱਦ ਹੋਏ ਗਏ ਸਨ ਅਤੇ 115 ਨੇ ਨਾਮਜ਼ਦਗੀ ਕਾਗਜ਼ ਵਾਪਸ ਲੈ ਲਏ ਸਨ | ਚੋਣ ਕਮਿਸ਼ਨ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਕੌਮੀ ਪਾਰਟੀਆਂ ਦੇ 313, ਖੇਤਰੀ ਪਾਰਟੀਆਂ ਦੇ 206, ਨਾ ਮਾਨਤਾ ਪ੍ਰਾਪਤ ਦਲਾਂ ਦੇ 322 ਅਤੇ ਆਜ਼ਾਦ ਉਮੀਦਵਾਰ ਵਜੋਂ 304 ਉਮੀਦਵਾਰਾਂ ਨੇ ਆਪਣੀ ਕਿਸਮਤ ਅਜਮਾਈ ਸੀ, ਜਿਨ੍ਹਾਂ ‘ਚੋਂ 1063 ਮਰਦ ਉਮੀਦਵਾਰਾਂ, 81 ਔਰਤ ਉਮੀਦਵਾਰ ਅਤੇ 1 ਤੀਸਰਾ ਿਲੰਗ ਨਾਲ ਸੰਬੰਧਤ ਉਮੀਦਵਾਰ ਸੀ | 1468 ਮਰਦ ਉਮੀਦਵਾਰਾਂ, 336 ਔਰਤ ਉਮੀਦਵਾਰਾਂ ਤੇ 1 ਤੀਸਰਾ ਿਲੰਗ ਨਾਲ ਸੰਬੰਧਤ ਉਮੀਦਵਾਰ ਨੇ ਨਾਮਜ਼ਦਗੀ ਕਾਗਜ਼ ਦਾਖਲ ਕਰਵਾਏ ਸਨ, ਜਿਨ੍ਹਾਂ ਵਿਚੋਂ 328 ਮਰਦ ਉਮੀਦਵਾਰਾਂ ਅਤੇ 217 ਔਰਤ ਉਮੀਦਵਾਰਾਂ ਦੇ ਕਾਗਜ਼ ਰੱਦ ਹੋ ਗਏ ਸਨ | 77 ਮਰਦ ਉਮੀਦਵਾਰਾਂ ਅਤੇ 38 ਔਰਤ ਉਮੀਦਵਾਰਾਂ ਨੇ ਆਪਣੇ ਨਾਮਜ਼ਦਗੀ ਕਾਗਜ਼ ਵਾਪਸ ਲੈ ਲਏ ਸਨ | ਕੌਮੀ ਪਾਰਟੀਆਂ ਦੇ 294 ਮਰਦ, 18 ਔਰਤ ਤੇ 1 ਤੀਸਰਾ ਿਲੰਗ ਉਮੀਦਵਾਰ, ਖੇਤਰੀ ਪਾਰਟੀਆਂ ਦੇ 192 ਮਰਦ ਅਤੇ 14 ਔਰਤ ਉਮੀਦਵਾਰਾਂ ਨੇ ਚੋਣ ਲੜੀ ਸੀ | ਨਾ ਮਾਨਤਾ ਪ੍ਰਾਪਤ ਦਲਾਂ ਦੇ 305 ਮਰਦ ਅਤੇ 17 ਔਰਤ ਉਮੀਦਵਾਰ ਅਤੇ ਅਜ਼ਾਦ ਉਮੀਦਵਾਰ ਵਜੋਂ 272 ਮਰਦ ਅਤੇ 32 ਔਰਤ ਉਮੀਦਵਾਰਾਂ ਨੇ ਵਿਧਾਨ ਸਭਾ 2017 ਦੀ ਚੋਣ ਲੜੀ ਸੀ | ਪੰਜਾਬ ਵਿਧਾਨ ਸਭਾ ਚੋਣਾਂ 2022 ‘ਚ ਆਜ਼ਾਦ ਉਮੀਦਵਾਰਾਂ ਦੀ ਗਿਣਤੀ ਘੱਟ ਹੋਣ ਦੀ ਉਮੀਦ ਹੈ, ਕਿਉਂਕਿ 2017 ਦੀ ਚੋਣ ਵਾਂਗ 2022 ਵਿਚ 3 ਪਾਰਟੀਆਂ ਦੀ ਬਜਾਏ 5 ਪਾਰਟੀਆਂ ਵਲੋਂ ਸਿੱਧੇ ਤੌਰ ‘ਤੇ ਵਿਧਾਨ ਸਭਾ ਚੋਣ ਲੜੀ ਜਾ ਰਹੀ ਹੈ | ਆਜ਼ਾਦ ਉਮੀਦਵਾਰ ਵਜੋਂ ਨਾਮਜ਼ਦਗੀ ਕਾਗਜ਼ ਭਰਨ ਵਾਲੇ ਉਮੀਦਵਾਰਾਂ ਵਲੋਂ ਹੁਣ ਕਿਸੇ ਨਾ ਕਿਸੇ ਪਾਰਟੀ ਵਲੋਂ ਟਿਕਟ ਪ੍ਰਾਪਤ ਕਰਕੇ ਚੋਣ ਲੜੀ ਜਾ ਸਕਦੀ ਹੈ | 2017 ਵਿਚ ਅਕਾਲੀ-ਭਾਜਪਾ, ਕਾਂਗਰਸ, ਆਮ ਆਦਮੀ ਪਾਰਟੀ (ਆਪ) ਅਤੇ ਬਹੁਜਨ ਸਮਾਜ ਪਾਰਟੀ ਵਲੋਂ ਚੋਣ ਲੜੀ ਗਈ ਸੀ | 2022 ਦੀਆਂ ਵਿਧਾਨ ਸਭਾ ਚੋਣਾਂ ‘ਚ ਅਕਾਲੀ-ਬਸਪਾ, ਕਾਂਗਰਸ, ‘ਆਪ’, ਭਾਜਪਾ-ਪੰਜਾਬ ਲੋਕ ਕਾਂਗਰਸ ਤੇ ਸ਼ੋ੍ਰਮਣੀ ਅਕਾਲੀ ਦਲ ਸੰਯੁਕਤ ਅਤੇ ਸੰਯੁਕਤ ਸਮਾਜ ਮੋਰਚਾ ਵਲੋਂ ਚੋਣ ਮੈਦਾਨ ‘ਚ ਉਮੀਦਵਾਰ ਉਤਾਰੇ ਜਾਣਗੇ |
