ਭਵਾਨੀਗੜ੍ਹ (ਸੰਗਰੂਰ ਜ਼ਿਲ੍ਹਾ ) ਬਲਾਕਾਂ ਦੇ ਪਿੰਡ ਆਲੋਅਰਖ ਵਿਚ ਖੇਤੀਬਾੜੀ ਟਿਊਬਵੈੱਲਾਂ ਵਿਚੋਂ ਜ਼ਹਿਰੀਲਾ ਤੇ ਲਾਲ ਰੰਗ ਦਾ ਪਾਣੀ ਨਿਕਲਣ ਦਾ ਮਾਮਲਾ ਨੈਸ਼ਨਲ ਗ੍ਰੀਨ ਟ੍ਰਿਬਿਊਨਲ (ਐਨ ਜੀ ਟੀ) ਪੁੱਜ ਗਿਆ ਹੈ।
ਐਡਵੋਕੇਟ ਤੇ ਸੋਸ਼ਲ ਐਕਟੀਵਿਸਟ ਐਚ ਸੀ ਅਰੋੜਾ ਨੇ ਐਨ ਜੀ ਟੀ ਨਵੀਂ ਦਿੱਲੀ ਕੋਲ ਅਰਜ਼ੀ ਦਾਇਰ ਕਰ ਕੇ ਮਾਮਲਾ ਚੁੱਕਿਆ ਹੈ ਤੇ ਦੱਸਿਆ ਹੈ ਕਿ ਬਲਾਕ ਭਵਾਨੀਗੜ੍ਹ ਦੇ ਪਿੰਡ ਆਲੋਅਰਖ ਤੇ ਇਸ ਇਲਾਕੇ ਟਿਊਬਵੈਲਾਂ ਵਿਚੋਂ ਜ਼ਹਿਰੀਲਾ ਤੇ ਲਾਲ ਰੰਗ ਦਾ ਪਾਣੀ ਨਿਕਲ ਰਿਹਾ ਹੈ। ਪਾਣੀ ਦੇ ਗੰਧਲੇ ਹੋਣ ਦੇ ਕਾਰਨ ਦੀ ਸ਼ਨਾਖ਼ਤ ਕਰਨ ਦੀ ਜ਼ਰੂਰਤ ਹੈ। ਇਹਨਾਂ ਟਿਊਬਵੈਲਾਂ ਦਾ ਪਾਣੀ ਸਿੰਜਾਈ ਵਾਸਤੇ ਸਹੀ ਨਹੀਂ ਹੈ। ਇਸ ਜ਼ਹਿਰੀਲੇ ਪਾਣੀ ਤੋਂ ਤਿਆਰ ਹੋਣ ਵਾਲੇ ਫਲ, ਸਬਜ਼ੀਆਂ ਤੇ ਅਨਾਜ ਮਨੁੱਖਾਂ ਤੇ ਪਸ਼ੂਆਂ ਦੇ ਖਾਣਯੋਗ ਨਹੀਂ ਹੈ ਤੇ ਇਸਦੇ ਗੰਭੀਰ ਨਤੀਜੇ ਨਿਕਲ ਸਕਦੇ ਹਨ।
ਅਰੋੜਾ ਨੇ ਕਿਸੇ ਮਾਹਿਰ ਏਜੰਸੀ ਨੂੰ ਜ਼ਮੀਨ ਹੇਠਲਾ ਪਾਣੀ ਗੰਧਲਾ ਹੋਣ ਦਾ ਲੱਭਣ ਦੀ ਜ਼ਿੰਮੇਵਾਰੀ ਸੌਂਪਣ ਦੀ ਅਪੀਲ ਕੀਤੀ ਹੈ ਤੇ ਕਿਹਾ ਹੈ ਕਿ ਇਹ ਜ਼ਹਿਰ ਫੈਲਾਉਣ ਵਾਲਿਆਂ ਖ਼ਿਲਾਫ਼ ਕਾਰਵਾਈ ਹੋਣੀ ਚਾਹੀਦੀ ਹੈ ਤੇ ਇਹਨਾਂ ਨੁੰ ਜ਼ੁਰਮਾਨਾ ਕੀਤਾ ਜਾਣਾ ਚਾਹੀਦਾ ਹੈ। ਕਿਸਾਨਾਂ ਨੂੰ ਦਰਪੇਸ਼ ਇਸ ਮੁਸ਼ਕਿਲ ਦਾ ਹੱਲ ਕੱਢਿਆ ਜਾਣਾ ਚਾਹੀਦਾ ਹੈ ਤੇ ਹੱਲ ਨਿਕਲਣ ਤੱਕ ਅਜਿਹੇ ਟਿਊਬਵੈੱਲਾਂ ਦੀ ਵਰਤੋਂ ’ਤੇ ਰੋਕ ਲਗਾਉਣ ਦੀ ਅਪੀਲ ਕੀਤੀ ਹੈ।
